సైరాబాను, జ్యోతి వ్యభిచారంపై ఆధారాలున్నాయి: ఎకె ఖాన్

హైదరాబాద్: సినీ తారలు సైరాబాను, జ్యోతి వ్యభిచారం చేస్తున్నట్లు తమ వద్ద పక్కా ఆధారాలున్నాయని హైదరాబాద్ పోలీసు కమిషనర్ ఎకె ఖాన్ చెప్పారు. వారిని తాము రెడ్ హ్యాండెడ్ గా పట్టుకున్నామని ఆయన మంగళవారం మీడియా ప్రతినిధులతో అన్నారు. మూవీ ఆర్టిస్టు అసోయేషన్ (మా) పెద్దలు ఎవరైనా వస్తే తాము అందుకు సంబంధించిన ఆధారాలు చూపుతామని ఆయన చెప్పారు. తాము పట్టుకున్న సెక్స్ రాకెట్ కు, డ్రగ్ మాఫియాకు మధ్య సంబంధాలు ఉండవచ్చునని, ఈ కోణంలో దర్యాప్తు చేస్తున్నామని ఆయన చెప్పారు. డ్రగ్స్ కేసును నగర నేర పరిశోధక విభాగం (సిసిఎస్) పోలీసులు దర్యాప్తు చేస్తున్నారని ఆయన అన్నారు.

సినీ పరిశ్రమను తాము టార్గెట్ చేస్తున్నట్లు వస్తున్న వ్యాఖ్యల్లో నిజం లేదని ఆయన చెప్పారు. కొంత మంది తప్పుడు వ్యవహారాల్లో పట్టుబడినంత మాత్రాన సినీ పరిశ్రమ అంతటికీ వర్తింపజేయలేమని ఆయన అన్నారు. డ్రగ్స్ మాఫియాకు ముంబైతో సంబంధాలపై కూడా ఆరా తీస్తున్నట్లు ఆయన తెలిపారు. హైదరాబాద్ విద్యాపరంగా అభివృద్ధి చెందిందని, మిశ్రమ సంస్కృతికి నగరం ఆలవాలమని, అందువల్ల హైదరాబాద్ పై ఆకర్షణతో విదేశీయులు పెద్ద యెత్తున వస్తారని ఆయన చెప్పారు. అందువల్ల భద్రత చర్యలు చేపట్టడం అత్యంత అవసరమని ఆయన అన్నారు. గుర్తింపు కార్డులు లేకుండా సెల్ సిమ్ లు ఇస్తున్నారని, దాని వల్ల దేశ భద్రతకు ముప్పు వాటిల్లే ప్రమాదం ఉందని, నిబంధనలు ఉల్లంఘించే కంపెనీలపై చర్యలు తీసుకుంటామని ఆయన చెప్పారు.