ముంబై మాఫియా లింక్స్: మదనపల్లిలో బాబాజాన్ అరెస్టు

చిత్తూరు: అండర్ వరల్డ్ మాఫియాతో సంబంధాలున్నాయనే ఆరోపణపై చిత్తూరు జిల్లా మదనపల్లిలో ముంబై పోలీసులు ఓ వ్యక్తిని అరెస్టు చేసి తీసుకెళ్లారు. బాబాజాన్ అలియాస్ సంతోష్ అనే వ్యక్తిని ముంబై పోలీసులు మంగళవారం రాత్రి అదుపులోకి తీసుకున్నట్లు సమాచారం. మదనపల్లిలో అతను చింతపండు వ్యాపారం చేస్తున్నాడు. ఈ సంఘటన స్థానికంగా సంచలనం సృష్టించింది.

బాబాజాన్ అలియాస్ సంతోష్ 15 ఏళ్ల పాటు ముంబైలో ఉన్నట్లు తెలుస్తోంది. పదిహేనేళ్ల క్రితం అతను మదనపల్లి నుంచి ముంబై వెళ్లినట్లు తెలుస్తోంది. రెండేళ్ల క్రితం అతను మదనపల్లికి వచ్చి చింతపండు వ్యాపారం చేస్తున్నాడు. అతనిపై ముంబైలో ఓ కేసు ఉన్నట్లు సమాచారం.