2 లేదా 3వ తేదన వైయస్ జగన్ కు నోటీసు: ఆది నారాయణ రెడ్డి

కడప: తమ పార్టీ కడప పార్లమెంటు సభ్యుడు వైయస్ జగన్ కు అధిష్టానం షోకాజ్ నోటీసు ఇచ్చే అవకాశం ఉందని కడప జిల్లా జమ్మలమడుగు కాంగ్రెసు శాసనసభ్యుడు ఆదినారాయణ రెడ్డి అన్నారు. షోకాజ్ నోటీసు ఇస్తే ఏం చేయాలో జగన్ కు తెలుసునని ఆయన సోమవారం మీడియా ప్రతినిధులతో అన్నారు. జగన్ తర్వాత తనకే షోకాజ్ నోటీసు వస్తుందని ఆయన అన్నారు.

షోకాజ్ నోటీసు ఇస్తే తాను శాసనసభా సభ్యత్వానికి రాజీనామా చేస్తానని ఆయన చెప్పారు. వచ్చే ఎన్నికల్లో కూడా తాను పోటీ చేయబోనని ఆయన అన్నారు. తాను వైయస్ జగన్ వెంటే ఉంటానని ఆయన అన్నారు. తాను జగన్ జాబితాలో ఉన్నానని ఆయన అన్నారు.