రిమ్స్ దంత కళాశాల విద్యార్థులకు వైయస్ జగన్ హితబోధ

హైదరాబాద్‌: కేవలం ఒక్క రూపాయ ఫీజుతో వైద్య సేవలు అందించిన దివంగత నేత వైయస్ రాజశేఖఱ రెడ్డిని స్ఫూర్తిగా తీసుకని ప్రజలకు సేవ చేయాలని కడప పార్లమెంటు సభ్యుడు వైయస్ జగన్ రిమ్స్ దంత వైద్య కళాశాల విద్యార్థులకు హితబోధ చేశారు. రిమ్స్ డెంటల్ కశాశాల ఆవరణలో ఆయన బుధవారం వైయస్ విగ్రహాన్ని ఆవిష్కరించారు. వైయస్ విగ్రహానికి పూలమాల వేసి నివాళులు అర్పించారు.

నేడు ఆరు వేల మంది విద్యార్థులు వైద్యవిద్యను అభ్యసిస్తున్నారంటే అది వైయస్ చలువేనని ఆయన అన్నారు. కడప జిల్లాకు వైద్య కళాశాల తెచ్చిన ఘనత తన తండ్రి వైయస్ దేనని, అది చెప్పుకోవడానికి తాను గర్విస్తున్నానని ఆయన అన్నారు.