తిరుమల ఆలయం బీమా రూ. 52 వేల కోట్లు

తిరుపతి‌: అశేష భక్తవాహిని గల గల తిరుమల శ్రీవెంకటేశ్వర స్వామి ఆలయం 52 వేల కోట్ల రూపాయలకు బీమాను పొందనుంది. రూ. 52 వేల కోట్ల విలువ చేసే శ్రీవెంకటేశ్వర స్వామి ఆభరణాలకు తిరుమల తిరుపతి దేవస్థానం (టిటిడి) బీమా చేయించాలని నిర్ణయించింది. తిరుపతి శ్రీవేంకటేశ్వర స్వామి దర్శనానికి రోజుకు దాదాపు 70 వేల మంది భక్తులు వస్తారు.

ప్రతి నెల టికెట్ల అమ్మకం, ఇతర సరుకుల అమ్మకాలు, వేలాలు వంటి ద్వారా వచ్చే ఆదాయంతో పాటు తిరుమల శ్రీవారికి నెలక 2 మిలియన్ డాలర్ల విరాళాలు వస్తాయి. తిరుమల ఆలయానికి 20 టన్నుల బంగారు, వజ్రపు ఆభరణాలు ఉన్నట్లు అంచనా. కర్నాటక మంత్రి గాలి జనార్దన్ రెడ్డి తిరుమల శ్రీవారికి 42 వేల కోట్ల విలువ చేసే వజ్రభూషిత కిరీటం బహూకరించారు.