వైయస్సార్ ప్రజల గుండెల్లో గూడు కట్టుకుని ఉన్నారు: వైయస్ జగన్

ఒంగోలు: దివంగత నేత వైయస్ రాజశేఖర రెడ్డి ప్రతి ఒక్కరి గుండెలో గూడు కట్టుకుని ఉన్నారని కాంగ్రెసు కడప పార్లమెంటు సభ్యుడు వైయస్ జగన్ అన్నారు. రాష్ట్రంలోని ప్రతి ఒక్కరికీ ఏదో ఒక రూపంలో వైయస్సార్ మేలు చేశారని, అటువంటి వైయస్సార్ తన తండ్రి అని చెప్పుకోవడానికి తనకు గర్వంగా ఉందని ఆయన అన్నారు. ఆయన ఓదార్పు యాత్ర ఆదివారం ప్రకాశం జిల్లాలో కొనసాగింది.

ప్రకాశం జిల్లాలోని పి. నాగులవరం గ్రామంలో జగన్ వైయస్సార్ విగ్రహాన్ని ఆవిష్కరించారు. జగన్ ఓదార్పు యాత్రకు యువకులు, మహిళలు, అభిమానులు తరలి వచ్చారు. తనను చూడడానికి వచ్చినవారికి జగన్ అభివాదం చేస్తూ ముందుకు సాగారు.