ప్రజారాజ్యం నేత అల్లు అరవింద్ పై కోర్టులో కేసు

హైదరాబాద్: ఆగస్టు 15న జాతీయ జెండాను తలకిందులుగా ఎగరేసి అవమానపరిచారంటూ సినీ నిర్మాత అల్లు అరవింద్‌ పై ఆల్ ఇండియా ఫార్వర్డ్ బ్లాక్ పార్టీ రాష్ట్ర కన్వీనర్ మురళీధర్ దేశ్‌పాండే 17వ అదనపు చీఫ్ మెట్రోపాలిటన్ కోర్టులో ప్రైవేట్ పిటిషన్ దాఖలు చేశారు. ఈ పిటిషన్‌ను విచారణకు స్వీకరించిన మెజిస్ట్రేట్ కేసు నమోదు చేసి ఈ నెల 29న కోర్టుకు నివేదిక అందచేయాలంటూ ఆదేశించారు.

స్వాతంత్ర్య దినోత్సవం సందర్భంగా పార్టీ కార్యాలయంలో అల్లు అరవింద్ జాతీయ పతాకను ఆవిష్కరించారు. అయితే దాన్ని తలకిందులుగా ఆవిష్కరించారు. నాలుక కరుచుకుని మళ్లీ ఆవిష్కరించారు. రెండో సారి కూడా అపశృతి దొర్లింది. చివరకు మూడోసారికి సరిగా దాన్ని ఎగురవేయగలిగారు. అప్పట్లో ఇది తీవ్ర చర్చనీయాంశంగా మారింది.