మెరుగు పడుతున్న ముఖ్యమంత్రి రోశయ్య ఆరోగ్యం

హైదరాబాద్: నాలుగు రోజులుగా వైరల్ ఫీవర్ తో బాధపడుతున్న ముఖ్యమంత్రి రోశయ్య ఆరోగ్యం మెరుగుపడుతోంది. వైద్యుల సూచన మేరకు ఇంటిదగ్గరే విశ్రాంతి తీసుకుంటున్నారు. దీంతో సచివాలయానికి దూరంగానే ఉండి ఇంటి వద్దనుండే సమీక్షలు నిర్వహిస్తున్నారు. నేడు శిల్పకళా వేదికలో జరుగనున్న అక్షరాస్యత దినోత్సవ కార్యక్రమానికీ ఆయన గైర్హాజరు కానున్నారు.

గతంలో ఆరోగ్య సమస్యతో ఢిల్లీ పర్యటనను కూడా రద్దు చేసుకున్నారు. ప్రధాని డాక్టర్ మన్మోహన్ సింగ్ చిత్తూరు జిల్లా పర్యటనకు కూడా ఆయన దూరంగా ఉన్నారు. ఇటీవలి కాలంలో ఆయన తరుచూ అనారోగ్యానికి గురవుతున్నారు. ముఖ్యమంత్రిని చికిత్స నిమిత్తం నిజాం వైద్య విజ్ఞాన సంస్థ (నిమ్స్) కు తరలించాల్సిన అవసరం లేదని వైద్యులు చెప్పారు.