షైనీ అహుజా తనను రేప్ చేయలేదన్న పని మనిషి

ముంబై: బాలీవుడ్ నటుడు షైనీ అహుజా తనను రేప్ చేయలేదని ఆయన పని మనిషి ఫాస్ట్ ట్రాక్ కోర్టు ముందు చెప్పింది. తనను రేప్ చేశాడని ఆరోపిస్తూ పని మనిషి అహుజాపై కేసు పెట్టి తీవ్ర సంచలనానికి కారణమైంది. ఇప్పుడు మాట మార్చింది. అహుజా వద్ద పని కుదిర్చిన మహిళ ప్రోద్బలంతో తాను తప్పుడు ఆరోపణ చేసినట్లు చెప్పింది. అహుజా నటించిన తమ విడుదల కోసం ప్రీతి జింటా, హర్ పాల్ ప్రయత్నం ఫలించి పని మనిషి అహుజాపై చేసిన ఆరోపణలను వెనక్కి తీసుకున్నట్లు తెలుస్తోంది.

సెప్టెంబర్ 3వ తేదీన పని మనిషి కోర్టులో హాజరై షైనీని గుర్తు పట్టింది. తాను షైనీ ఇంట్లో పని చేశానని, అయితే షైనీ తనను ఎప్పుడూ రేప్ చేయలేదని ఆమె చెప్పింది. తప్పుడు ఆరోపణ చేసినందుకు పని మనిషికి కోర్టు శిక్ష వేసే అవకాశం ఉంది. తనను రేప్ చేశాడని పని మనిషి ఆరోపణ చేయడంతో షైనీ అహుజా సినీ కెరీర్ పై తీవ్ర ప్రభావం పడింది.