బెయిల్ పై నారాయణ విద్యాసంస్థల చైర్మన్ విడుదల

హైదరాబాద్: నారాయణ కార్పొరేట్ విద్యాసంస్థల చైర్మన్ నారాయణ బెయిల్ పై విడుదలయ్యారు. పోలీసు స్టేషన్లోనే ఆయన బెయిల్ తీసుకున్నారు. ఈ సందర్భంగా నారాయణ మాట్లాడుతూ తనపై వచ్చిన అక్రమ ప్రచురణ కేసు సరియైనది కాదన్నారు. తెలుగు అకాడమీకి, నారాయణ విద్యాసంస్థలకి ఏమాత్రం సంబంధం లేదన్నారు.నారాయణది హై స్టాండెర్డ్ విద్య అని, తమ సిలబస్ బుక్ లో 365 పేజీలు ఉంటాయని వివరించారు.మాకు రిసెర్చింగ్ కూడా ఉంది. తాము పుస్తకాలు కొనకపోవడాన్ని తెలుగు అకాడమీ సైతం ప్రశ్నించిన సందర్భాలు ఉన్నాయని తెలిపారు.

నారాయణ కార్పొరేట్ విద్యాసంస్థల చైర్మన్ నారాయణను పోలీసులు అరెస్టు చేసిన విషయం తెలిసిందే. కాపీరైట్ చట్టం కింద ఆయనను పోలీసులు అరెస్టు చేశారు. తెలుగు అకాడమీ పుస్తకాలను అక్రమంగా అరెస్టు చేసి డబ్బులు గడించాడనే ఆరోపణపై ఆయనపై కేసు నమోదైంది. ఆయన భార్య, కూతుర్లపై కూడా కేసులు నమోదయ్యాయి. తెలుగు అకాడమీకి పది కోట్ల రూపాయల మేర నారాయణ తెలుగు అకాడమీకి నష్టం కలుగజేశాడని ఆరోపణలు వచ్చాయి.