ధిక్కారం కొనసాగింపు: నెల్లూరు జిల్లాలో వైయస్ జగన్ ఓదార్పు

నెల్లూరు: నెల్లూరు జిల్లాలో కడప వైఎస్‌ జగన్ చేపట్టనున్న ఓదార్పు యాత్ర షెడ్యూల్‌ ను డీసీసీ అధ్యక్షుడు గోపాల్ ‌రెడ్డి శుక్రవారం ఇక్కడ విడుదల చేశారు. జిల్లాలో జగన్‌మోహన్‌రెడ్డి 850 కిలోమీటర్ల మేర పర్యటించనున్నారు. ఈ సందర్భంగా పార్లమెంటు సభ్యుడు మేకపాటి రాజమోహన్‌రెడ్డి మాట్లాడుతూ జగన్‌ చేపట్టిన ఓదార్పు యాత్ర వల్ల కాంగ్రెస్‌కు మేలే కలుగుతుందన్నారు.

కాంగ్రెస్‌లోని అన్నివర్గాల వారు జగన్‌ ను బలపరచాలన్నారు. 2014 సంవత్సరంలో రాహుల్‌ గాంధీని ప్రధాని చేయాలని వైఎస్‌ బతికి ఉన్నప్పుడే పరితపించేవారని మేకపాటి గుర్తు చేశారు. ఇప్పటివరకూ ఓదార్పుయాత్రపై అధిష్టానం ఎలాంటి డైరెక్షన్‌ ఇవ్వలేదని ఆయన తెలిపారు.