వి హనుమంతరావుపై నిప్పులు చెరిగిన సాక్షి డైలీ

హైదరాబాద్: కాంగ్రెసు పార్టీ సీనియర్ నాయకుడు వి హనుమంతరావుపై అదే పార్టీకి చెందిన కడప పార్లమెంటు సభ్యుడు వైయస్ జగన్ నేతృత్వంలోని సాక్షి దినపత్రిక నిప్పులు చెరిగింది. గతంలో వైయస్ రాజశేఖర రెడ్డితో తెలుగుదేశం పార్టీ అధ్యక్షుడు నారా చంద్రబాబు నాయుడు మ్యాచ్ ఫిక్సింగ్ కు పాల్పడ్డారని హనుమంతరావు చేసిన ఆరోపణపై సాక్షి మండిపడింది. వైయస్ భూకబ్జాలకు పాల్పడుతున్న ముఖ్యమంత్రిగా ఉన్నప్పుడు చంద్రబాబు నిమ్మకు నీరెత్తినట్లు వ్యవహరించారని విహెచ్ అనడాన్ని సాక్షి దినపత్రిక తీవ్రంగా తప్పు పట్టింది.

వైయస్ పై విహెచ్ విషం శీర్షిక కింద సాక్షి దినపత్రిక హనుమంతరావు ప్రకటనపై తీవ్ర ఆక్షేపణ తెలిపింది. చంద్రబాబును విమర్శించే సాకుతో కాంగ్రెసు సీనియర్ నాయకుడు, రాజ్యసభ సభ్యుడు వి హనుమంతరావు దివంగత ముఖ్యమంత్రి డాక్టర్ వైయస్ రాజశేఖర రెడ్డిపై పలు ఆరోపణలు చేశారని వ్యాఖ్యానించింది. సోమవారంనాడు విహెచ్ మీడియా సమావేశంలో చేసిన వ్యాఖ్యలను యధాతథంగా ఇచ్చింది.