రాజీనామాకే కట్టుబడి ఉన్నా: జస్టిస్ నాగార్జున రెడ్డి

హైదరాబాద్: హైకోర్టులో చోటుచేసుకుంటున్న పరిణామాల నేపథ్యంలో రాజీనామా చేస్తున్నట్టు ప్రకటించిన జస్టిస్ నాగార్జునరెడ్డి తన రాజీనామాను ఉపసంహరించుకునే ప్రసక్తే లేదని ఖరాఖండిగా చెప్పారు. నాగార్జునరెడ్డి హైకోర్టుకు రావడంతో రాజీనామాను ఉపసంహరించుకున్నట్లు మీడియా వార్తలు ప్రసారం చేసిన నేపథ్యంలో ఆయన ఉపసంహరించుకునే మాట్లాడారు. కేవలం ప్రధాన న్యాయమూర్తిపై గౌరవంతోనే కోర్టుకు వచ్చినట్టు చెప్పారు. ఆయన కోర్టుకు వచ్చినప్పటికీ విధులకు మాత్రం హాజరు కాలేదు.

ప్రధాన న్యాయమూర్తి కక్రూ ఒత్తిడి తెచ్చినప్పటికి ఆయన రాజీనామాకు ఒప్పుకోలేదు. న్యాయవాదులు నిరసన తెలుపుతూ కోర్టు విధులు బహిష్కరించడం, దుర్బాషాలాడటంతో ఆయన మనస్తాపం చెందినట్లు చెప్పిన విషయం తెలిసిందే. తెలంగాణ న్యాయవాదుల డిమాండ్ ను సీమాంధ్ర న్యాయవాదులు కూడా నాగార్జున రెడ్డి ఎదుట సమర్థించినట్లు సమాచారం. అయితే, తెలంగాణ న్యాయవాదులు అనుసరించిన పద్ధతికి నాగార్జున రెడ్డి మనస్తాపం చెందినట్లు ప్రచారం జరుగుతోంది.