బీమా సొమ్ము కోసం బాలుడి కిడ్నాప్, దారుణ హత్య

విజయవాడ: కృష్ణా జిల్లా నూజివీడు రామాయమ్మారావుపేటలో బుధవారం సాయంత్రం అపహరణకు గురైన కొల్లిపర సురేష్‌ కుమారుడు రాహుల్‌ (8) హత్యకు గురయ్యాడు. బాలుడిని హత్య చేసి పూడ్చి పెట్టారు. రాహుల్ ను హత్య చేసిన ముగ్గురిని పోలీసులు పట్టుకున్నారు. బీమా సొమ్ము కోసమే రాహుల్ ను వారు కిడ్నాప్ చేసినట్లు తేలింది. రాహుల్ బాబాయ్ మరణంతో ఆ బాలుడి కుటుంబానికి నాలుగు లక్షల రూపాయల బీమా సొమ్ము వచ్చింది. దానిపై కన్నేసి ముగ్గురు దుండగులు రాహుల్ ను కిడ్నాప్ చేశారు. అయితే, వారి పథకం పారకపోవడంతో బాలుడిని హత్య చేశారు.

కేసును ప్రతిష్ఠాత్మకంగా తీసుకున్న జిల్లా ఎస్పీ హరికుమార్‌, పోలీస్‌ యంత్రాంగం అవిశ్రాంతంగా దర్యాప్తు నిర్వహించారు. అయినా బాలుడిని ప్రాణాలను కాపాడలేకపోయారు. చివరకు బాలుడి మృతదేహాన్ని గుర్తించిన స్థానిక పోలీసులు పోస్ట్‌మార్టం నిమిత్తం ఆస్పత్రికి తరలించారు. రాహుల్ తల్లిదండ్రులు కన్నీరుమున్నీరుగా విలపిస్తున్నారు.