సీమాంధ్రులు దాడులు చేస్తే ప్రతి దాడులు తప్పవు: ఓయు ఐకాస

హైదరాబాద్: విశాఖలో తెలంగాణ జిల్లాలోని వరంగల్ కు చెందిన విద్యార్థిపై దాడి జరిగితే సీమాంధ్రులు నోరు మెదపటం లేదని, అదే ఓయూ ఘటన విషయంలో ప్రతి చిన్నదానిని పెద్దది చేసి చూపిస్తూ దానిని పెద్ద ఇష్యూ చేస్తున్నారని ఉస్మానియా యూనివర్శిటీ ఐక్య కార్యాచరణ సమితి(జేఏసి) విమర్శంచింది. దాడులపై సీమాంధ్రులు స్పందించనంత మాత్రాన ఊరుకునేది లేదని తాము తప్పకుండా ప్రతిదాడులకు పాల్పడతామని హెచ్చరించారు.

విశాఖతోపాటు అనంతపురంలో సైతం తెలంగాణ విద్యార్థులపై దాడులు జరుగుతున్నాయన్నారు. ఈ విషయంలో ఊరుకునేది లేదని మరోసారి అలాంటి దాడులు చేస్తే తమ ప్రతాపం చూపిస్తామన్నారు. కాగా అక్టోబర్ 9న తెలంగాణ దళిత మహాజన విద్యార్థి సభను ప్రారంభిస్తున్నట్టు చెప్పారు. ఈ కార్యక్రమానికి ఉత్తర ప్రదేశ్ ముఖ్యమంత్రి మాయావతి ముఖ్య అతిథిగా హాజరు కానున్నట్టు చెప్పారు.