తెలంగాణ న్యాయవాదులతో ప్రభుత్వ ఒప్పందంపై గరం

హైదరాబాద్: తెలంగాణ న్యాయవాదులతో రాష్ట్ర ప్రభుత్వం చేసుకున్న ఒప్పందంపై సీమాంధ్ర ప్రజా ప్రతినిధులు మండిపడ్డారు. తెలంగాణ న్యాయవాదులతో ప్రభుత్వం లిఖిత పూర్వకం ఒప్పందం చేసుకోవడం సరి కాదని ఆయన అన్నారు. తెలంగాణ న్యాయవాదులతో ప్రభుత్వం రాతపూర్వక ఒప్పందం చేసుకోవడం సీమాంధ్రులకు అవమానకరమని అన్నారు. ఈ మేరకు కాంగ్రెసు సీమాంధ్ర శాసనసభ్యుడు శైలజానాథ్ తదితరులు సోమవారం ముఖ్యమంత్రిని కలిసి వినతిపత్రం సమర్పించారు.

తెలంగాణ న్యాయవాదులతో ప్రభుత్వం జరిపే చర్చలకు తమకు కూడా భాగం కల్పించాలని కోరినా ప్రభుత్వం పట్టించుకోలేదని శైలజానాథ్ విమర్శించారు. ప్రభుత్వం తెలంగాణ న్యాయవాదులతో చేసుకున్న లిఖితపూర్వక ఒప్పందం అనేక సమస్యలకు కారణమవుందని ఆయన అన్నారు. తెలంగాణ న్యాయవాదులతో చేసుకున్న ఒప్పందం విషయంలో చట్టపరమైన, రాజ్యాంగపరమైన అంశాలను పరిశీలిస్తామని తమకు ముఖ్యమంత్రి హామీ ఇచ్చినట్లు ఆయన తెలిపారు.