ఇంజనీరింగ్ విద్యార్థిని దివ్య హత్య కేసులో శేఖర్ అరెస్టు

హైదరాబాద్: హైదరాబాదులోని వనస్థలిపురంలో దివ్య అనే ఇంజనీరింగ్ విద్యార్థినిని హత్య చేసిన సీనియర్ విద్యార్థి శేఖర్ ను పోలీసులు అదుపులోకి తీసుకున్నారు. ఈ నెల 19వ తేదీన శేఖర్ దివ్యను తన ఇంట్లో బ్యాట్ తో తలపై కొట్టి దారుణంగా హత్య చేశాడు. ఈ సంఘటన తీవ్ర సంచలనం సృష్టించింది. ఆ తర్వాత అతను ముంబై పారిపోయాడు.

గత ఐదు రోజులుగా శేఖర్ కోసం పోలీసులు తీవ్రంగా గాలిస్తున్నారు. చివరికి అతన్ని పోలీసులు ముంబైలో అదుపులోకి తీసుకుని హైదరాబాద్ తీసుకు వచ్చినట్లు సమాచారం. తనను ప్రేమించి మోసం చేసినందుకే దివ్యను హత్య చేసినట్లు శేఖర్ పోలీసులకు చెప్పినట్లు సమాచారం. శేఖర్ ను పోలీసులు విచారిస్తున్నారు. అతన్ని మీడియా ముందు ప్రవేశపెట్టే అవకాశం ఉంది.