కోటి మంది మహిళలతో తెలంగాణలో బతుకమ్మ: కవిత

హైదరాబాద్: కోటి మంది మహిళలతో తెలంగాణలో బతుకమ్మ పండుగను జరుపుకుంటామని తెలంగాణ జాగృతి అధ్యక్షురాలు కల్వకుంట్ల కవిత చెప్పారు. తెలంగాణ సంప్రదాయ బతుకమ్మ పండుగను రాష్ట్ర పండుగగా గుర్తించాలని ఆమె ప్రభుత్వాన్ని డిమాండ్ చేశారు. తెలంగాణ ప్రజల జీవన విధానానికి బతుకమ్మ పండుగ అద్దం పడుతుందన్నారు. రాబోయే తెలంగాణ ఉద్యమంలో మహిళలను పెద్ద ఎత్తున సమాయత్తం చేస్తామని కవిత చెప్పారు.

బతుకమ్మ పోస్టర్‌ను కవిత, ప్రొఫెసర్ జయశంకర్‌లు శనివారం విడుదల చేశారు. సందర్భంగా కవిత మాట్లాడారు. బతుకమ్మను రాష్ట్ర పండుగగా గుర్తించాలని డిమాండ్ చేశారు. తెలంగాణ ప్రజలు ముఖ్యంగా మహిళలు ఎంతో భక్తి శ్రద్ధలతో జరుపుకునే బతుకమ్మను రాష్ట్ర పండుగగా గుర్తించాలని కవిత ప్రభుత్వాన్ని కోరారు. తెలంగాణ సాంస్కృతిక రంగంలో తెలంగాణ జాగృతి చేస్తున్న కృషిని జయశంకర్ ప్రశంసించారు.