అమెరికా అధ్యక్షుడు ఒబామాకు లేఖ రాసిన చిరంజీవి

హైదరాబాద్: అమెరికా అధ్యక్షుడు బరాక్ ఒబామాకు ప్రజారాజ్యం పార్టీ అధ్యక్షుడు చిరంజీవి లేఖ రాశారు. భారత పర్యటన సందర్భంగా తిరుపతి సందర్శనకు రావాలని ఆయన శనివారం ఆ లేఖలో ఒబామాను కోరారు. ఈ మేరకు ముఖ్యమంత్రి కె. రోశయ్యకు కూడా ఆయన ఓ లేఖ రాశారు. నవంబర్ లో ఒబామా భారత పర్యటనకు రానున్నారు. తిరుపతి హిందువు అత్యంత పవిత్ర క్షేత్రమని, తిరుమలలో అత్యంత పెద్ద ఆలయం ఉందని, ఒబామా తిరుపతికి రావాలని తాము కోరుకుంటున్నామని చిరంజీవి అన్నారు.

కాగా, ఇదే విషయంపై కాంగ్రెసు నాయకులు ఇప్పటికే ఒబామాకు, రోశయ్యకు లేఖలు రాశారు. తన నియోజకవర్గం కావడంతో చిరంజీవి ఒబామాకు ఆ లేఖ రాసినట్లు భావిస్తున్నారు. అయితే, ఒబామా విజ్ఞప్తిని ఒబామా మన్నిస్తారా, లేదా వేచి చూడాల్సిందే.