గుంటూరు జిల్లా తెనాలిలో నర్సింగ్ కాలేజీ విద్యార్థిని ఆత్మహత్య

గుంటూరు: గుంటూరు జిల్లా తెనాలిలో ఓ నర్సింగ్ కళాశాల విద్యార్థిని ఆత్మహత్య చేసుకున్న సంఘటన సంచలనం సృష్టించింది. తెనాలిలోని జీవనజ్యోతి నర్సింగ్ కళాశాల హాస్టల్లో ఈ సంఘటన జరిగింది. ఆత్మహత్య చేసుకున్న విద్యార్థినిని నళినిగా గుర్తించారు. ఆమె స్వస్థలం ప్రకాశం జిల్లా గిద్దలూరు. ఆమె జీవనజ్యోతి నర్సింగ్ కళాశాలలో రెండో సంవత్సరం చదువుతోంది.

నళిని ఆత్మహత్యకు గల కారణాలు తెలియరాలేదు. అయితే ప్రేమ వ్యవహారం ఆమెను ఆత్మహత్యకు పురికొల్పి ఉండవచ్చునని అనుమానిస్తున్నారు. విద్యార్థిని ఆత్మహత్య చేసుకున్న విషయాన్ని కళాశాల యాజమాన్యం చాలా సేపు గోప్యంగా ఉంచింది.