చిరంజీవి ఫ్యాన్స్ కే మొదటి ప్రిఫరెన్స్: నాగబాబు

గుంటూరు: చిరంజీవి అభిమానులుగా మీకే అందరికంటే ఎక్కువ ప్రిఫరెన్సు ఉంటుందని ప్రజారాజ్యం అధ్యక్షుడు, మెగాస్టార్ తమ్ముడు నాగబాబు చిరు ఆభిమానులతో అన్నారు. పార్టీలోనుంచి ఇప్పుడు దొంగలంతా వెళ్లిపోయారని అందరూ ఆభిమానులు, ప్రజారాజ్యానికి చిత్తశుద్ధితో పనిచేసే కార్యకర్తలు మాత్రమే ఉన్నారని అన్నారు. చిరంజీవి ఇప్పుడు అభిమానులకు మంచి అవకాశం ఇవ్వడానిరి అవకాశం దొరికిందన్నారు. సినీ తారగానే కాకుండా ప్రజారాజ్యం పార్టీ ఆధ్యక్షుడిగా ఒక రాజకీయనాయకుడిగా కూడా చిరంజీవిని ప్రజలు ఆధరిస్తున్నారన్నారు. ఇకనుండి పార్టీకీ అభిమానులే అండదండ ఆన్నారు. ఆభిమాన సంఘాల్ని పునర్నిర్మిస్తామని నాగబాబు ఈ సందర్పంగా తెలిపారు. ఇప్పటికే ఆభిమాన సంఘాలు పలు సేవా కార్యక్రమాలతో ప్రజలను ఆకట్టుకుంటున్నాయని, అభిమానులు తమ తమ సేవలను విస్తృతపర్చి ప్రజలకు మరింత సేవలు చేయటం ద్వారా వారికి చిరంజీవిపై, ప్రజారాజ్యంపార్టీపై ప్రజలకు ఉన్న నమ్మకాన్ని మరింత పెంపొందించేందుకు దోహదం చేయాలన్నారు.

అభిమానులు చిరంజీవిని ఎలా అయితే నమ్ముకున్నారో, చిరంజీవి సైతం అభిమానులను ఆలాగే నమ్ముకున్నారని ఆన్నారు. అయన నమ్మకానికి తగ్గట్టు పని చేస్తూ రాష్ట్రవ్యాప్తంగా ప్రజారాజ్యం పార్టీని బలోపేతం చేయాలన్నారు. ఇన్నాళ్లు పార్టీలో ఉన్న దొంగల వల్ల పార్టీకి నష్టం జరిగింది కాని వారి వల్ల పార్టీకి ఎలాంటి లాభం జరగలేదన్నారు. వారు మాత్రం లాభపడ్డారని విమర్శించారు. చిరంజీవి ఆధ్వర్యంలో పార్టీని బలోపేతం చేసి రాబోయే ఎన్నికల్లో మిగిలిన పార్టీలకు ధీటుగా ఎదుర్కొనేలా ప్రజారాజ్యం కార్యకర్తలను సన్నద్ధం చేయాల్సిన బాధ్యత చిరంజీవి ఆభిమానులపైనే ఉందని ఆయన ఆన్నారు.