కాంగ్రెసులో ఎమ్మెల్యేలు, మంత్రుల మధ్య విభేదాలు లేవు:డి.శ్రీనివాస్

హైదరాబాద్: కాంగ్రెసులోని ఎమ్మెల్యేలు, మంత్రుల మధ్య ఎలాంటి విభేదాలు లేవని పిసిసి అధ్యక్షుడు డి.శ్రీనివాస్ అన్నారు. ఆదివారం ఉదయం పిసిసి అధ్యక్షుడు డి.శ్రీనివాస్, కె.కేశవరావు భేటీ అయ్యారు. వీరీ భేటీకి చాలా ప్రాధాన్యం ఏర్పడింది. అయితే వీరు మాత్రం తమ భేటీ మర్యాద పూర్వకమేనని అంటున్నారు. అయితే మా మధ్య మామూలుగా పార్టీ సంబంధ విషయాలు వచ్చాయే కాని ఎలాంటి సీరియస్ నెస్ లేదన్నారు. భేటీ అనంతరం వారు విలేకరులతో మాట్లాడారు. సహజంగానే తమ మధ్య పార్టీ సంబంధ విషయాలు వచ్చాయే కాని ప్రత్యేకత ఏమీ లేదని డిఎస్ ఆన్నారు. శ్రీకృష్ణ కమిటి నివేదిక అనంతరం అధిష్టానం తెలంగాణ ప్రక్రియను ప్రారంభిస్తుందన్నారు. కాంగ్రెసు పార్టీలో ఎలాంటి అనిశ్చితి లేదని, మంత్రులు, ఎమ్మెల్యేల మధ్య సయైధ్య ఉందని, కొందరి మధ్య ఏదైనా ఉన్నప్పటికి అవి త్వరలో పరిష్కారమవుతాయన్నారు. ఎల్లుండి జరగాల్సిన పిసిసి సమావేశం మామూలుగానే జరుగుతుందని తెలిపారు.

తెలంగాణలో కాంగ్రెసు నాయకులంతా కలిసే కట్టుగా ఉండాలని, లేకుంటే వ్యతిరేకులు లాభపడుతారని కె.కేశవరాను ఆన్నారు. తెలంగాణ కాంగ్రెసు వారంతా కలిసి కట్టుగా తెలంగాణ కోసం పోరాడుతామన్నారు. విద్యార్థులపై పెట్టిన కేసులను ఎత్తివేయాలని ఆయన ప్రభుత్వాన్ని కోరారు. వారు ఆవేశంతో చేసిన పనికి భవిష్యత్తును కాలరాచే వనిని ప్రభుత్వం చేయవద్దన్నారు.