చిరుపై అనుచిత వ్యాఖ్యలు: హీరో రాజశేఖర్ కు కోర్టు సమన్లు

హైదరాబాద్: మెగాస్టార్ చిరంజీవి, ప్రజారాజ్యం అధ్యక్షుడు చిరంజీవిపై, ఆయన పార్టీపై తీవ్ర విమర్శలు చేసినందుకు గాను యాంగ్రీయంగ్ మన్ గా రాజశేఖర్, ఆయన భార్య జీవితకు రంగారెడ్డి కోర్టు సమన్లు పంపింది. చిరంజీవిపై రాజశేఖర్ వ్యాఖ్యలకు నొచ్చుకున్న రంగారెడ్డి జిల్లాకు చెందిన ప్రజారాజ్యాం పార్టీ ప్రధాన కార్యదర్శి సామల మనోజ్ రంగారెడ్డి కోర్టులో పరువునష్టం దావా వేశారు. దీనిని పరీశీలించిన కోర్టు రాజశేఖర్ దంపతులకు సమన్లు పంపి డిసెంబర్ 10లోగా కోర్టులో హాజరు కావాలని చెప్పింది.

గతంలో చిరంజీవి బ్లడ్ బ్యాంక్ పై జీవిత, రాజశేఖర్ తీవ్ర ఆరోపణలు చేశారు. చిరంజీవి అభిమానుల రక్తాన్ని అమ్ముకుంటున్నారని వారన్నారు. ప్రభుత్వం నుంచి రాయితీలు పొందుతూ కూడా రోగులకు తగిన విధంగా రక్తం అందించడంలేదని వారన్నారు. నిబంధనలకు వ్యతిరేకంగా చిరంజీవి బ్లడ్ బ్యాంక్ పనిచేస్తోందని వారన్నారు.