మేం చవటలం, దద్దమ్మలం: రాయపాటి సాంబశివరావు

గుంటూరు: గుంటూరు ఎంపీ రాయపాటి సాంబశివరావు వివాదాస్పద వాఖ్యలు చేసారు. మేం చవటలం, దద్దమ్మలం ఆంటూ తనతో పాటు గుంటూరు కాంగ్రెసు నాయకులను అందరిని తిట్టాడు. గుంటూరు జిల్లాకు చెందిన ఎమ్మెల్యేలు, ఎంపీలు, ఎమ్మెల్సీలు, కాంగ్రెసు నాయకులం అందరం చవటలం, దద్దమ్మలం, పనికిరానివాళ్లం, ఎం చేయలేకపోయాం అంటూ వివాదాస్పద వ్యాఖ్యలు చేశారు. 2009లో వైఎస్ హయాంలో ఎన్నికల సందర్భంగా మంగళగిరిలో సూపర్ స్పెషాలిటీ వైద్యాశాల నిర్మిస్తామని హామీ ఇచ్చామని, దానిని నెరవేర్చలేక పోయినందుకు సిగ్గుపడుతున్నామన్నారు. వైఎస్ మీద నమ్మకంతో ఇచ్చిన మాటను ఆయన కారణంగా నెరవేర్చనందుకు, అందులో ఆయనతో పాటు జిల్లా నాయకులుగా మాకూ భాగస్వామ్యం ఉన్నందున జిల్లావాసులను క్షమాపణ కోరుతున్నాన్నారు.

తెలుగుదేశం, వామపక్షాలు వాటిని నిర్మిస్తే వారికి రుణపడి ఉంటానని ఆయన అన్నారు. గుంటూరు జిల్లాలో నలుగురు మంత్రులు, ఇద్దరం ఎంపీలం ఉన్నప్పటీకీ ఏం చేయలేకపోయామని వాపోయారు. కృష్ణా జిల్లా నాయకులను ఈ విషయంలో ఆయన అభినందించారు. వారు కలిసికట్టుగా ఐకమత్యంతో ఉండి ఆసుపత్రిని నిర్మించుకుంటున్నారని ప్రశంసలు కురిపించారు. వారిని హైజాక్ చేయాలనుకోవటం సరియైన పని కాదన్నారు.