తీర్పు నేపథ్యంలో వీడియో తీస్తాం: ఎకె ఖాన్

హైదరాబాద్: రేపు అయోధ్య తీర్పు నేపథ్యంలో నగరంలో ఎలాంటి అవాంఛనీయ సంఘటలు జరగకుండా పోలీసు వ్యవస్థ అప్రమత్తంగా ఉందని నగర పోలీస్ కమిషనర్ ఎకే ఖాన్ అన్నారు. గురువారం నగరమంతా వీడీయోగ్రఫీలో ఉంటుందని, ఎవరూ ఎలాంటి రాజ్యాంగవ్యతిరేక చర్యలకు పాల్పడ్డా వెంటనే చర్యలు తీసుకుంటామన్నారు.

నగరంలో ఉన్న అన్ని శాంతి సంఘాలు, యువజన సంఘాలు తమ తమ కాలనీ ప్రాంతాల్లోని ప్రజలు సామరస్యంగా, శాంతియుతంగా ఉండేలా చర్యలు తీసుకోవాలన్నారు. పోలీసులు ఎలాంటి అవాంఛనీయ సంఘటనలు జరగకుండా అప్రమత్తంగానే ఉన్నారని, ప్రత్యేక పోలీసు బలగాలను కూడా ప్రభుత్వం నుంచి కోరినట్టు చెప్పారు.