కారు, వ్యాన్ ఢీ: ముగ్గురు వైద్య విద్యార్థుల మృతి

రాజమండ్రి: తూర్పుగోదావరి జిల్లాలోని గండేపల్లి మండలంలోని సూరపాలెం వద్ద ఘోర రోడ్డు ప్రమాదం చోటు చేసుకుంది. కాకినాడలో జరుగుతున్న సెమినార్ కోసం రాజానగరం జిఎస్ఎల్ మెడికల్ కళాశాలకు చెందిన వైద్య విద్యార్థులు వెళుతున్నారు. పెద్దపురం ఎడిబి రోడ్డు దగ్గరకు రాగానే ఎదురుగా వస్తున్న వ్యాన్ వీరి కారును ఢీకొంది. దీంతో ముగ్గురు వైద్య విద్యార్థులు అక్కడికక్కడే మరణించారు.

మరో ఇద్దరు విద్యార్థుల పరిస్థితి విషమంగా ఉంది. దీంతో విద్యార్థుల ఇళ్లల్లో విషాద ఛాయలు అలుముకున్నాయి. కాకినాడలోని ఓ సదస్సులో పాల్గొనడానికి వెళ్తుండగా ఈ ప్రమాదం సంభవించింది. పోలీసులు కేసు నమోదు చేసుకుని దర్యాప్తు చేస్తున్నారు.