అమ్మ కల్కి భగవాన్ పై హెచ్చార్సీకి ఫిర్యాదు చేసిన బావమరిది

హైదరాబాద్: అమ్మ కల్కి భగవాన్ పై భార్య మంజులతో కలిసి ఆయన భావమరిది శ్రీనివాస చౌదరి రాష్ట్ర మానవ హక్కుల కమిషన్ (హెచ్చార్సీ)కి ఫిర్యాదు చేశారు. తాను దేవుడ్ని అని చెప్పుకునే అమ్మ కల్కి భగవాన్ పై స్వయంగా బావ మరిదే ఫిర్యాదు చేయడం ప్రాధాన్యాన్ని సంతరించుకుంది. అమ్మ కల్కి భగవాన్ తమను మానసిక హింటకు గురి చేస్తున్నారని శ్రీనివాస చౌదరి ఫిర్యాదు చేశారు. తమకు రక్షణ కల్పించాలని ఆయన హెచ్చార్సిని వేడుకున్నారు.

తమకు అసభ్య పదజాలంతో ఎస్ఎంఎస్ లు పంపుతున్నారని, బెదిరింపు కాల్స్ చేస్తున్నారని ఆయన చెప్పారు. తనకు పలుకుబడి ఉందని, దాంతో మిమ్మల్ని ఏదైనా చేస్తానంటూ బెదిరిస్తున్నారని ఆయన చెప్పారు. తమ కుటుంబంలో మితిమీరి జోక్యం చేసుకుంటున్నారని కూడా ఆయన చెప్పారు.