హీరో మహేష్ బాబు ఖలేజా సినిమాకు కోర్టు నోటీసులు

హైదరాబాద్: హీరో మహేష్ బాబు నటించిన ఖలేజా సినిమాకు మరో కష్టం వచ్చి వడింది. ఈ నెల 7వ తేదీ సజావుగా సినిమా విడుదలవుతుందని భావిస్తున్న తరుణంలో ఈ కష్టం వచ్చి పడింది. ఖలేజా సినిమాపై హైదరాబాద్ మూడవ అదనపు కోర్టు నోటీసులు జారీ చేసింది. సినిమాకు కాపీ రైట్ చట్టం సమస్య తలెత్తింది. కాపీ రైట్ చట్టం 63వ సెక్షన్ కింద కోర్టు నోటీసులు జారీ చేసింది. ఖలేజా సినిమా విడుదలను ఆపించాలని నిర్మాత విజయభాస్కర రెడ్డి కోరారు.

హీరో మహేష్ బాబుకే కాకుండా దర్శకుడు త్రివిక్రమ్, నిర్మాత సింగనమల, సహ నిర్మాత సి. కళ్యాణ్ లకు కోర్టు నోటీసులు జారీ చేసింది. అంతేకాకుండా ఫిలిం ఛాంబర్స్ ఆఫ్ కామర్స్ కు, నిర్మాతల మండలికి కూడా కోర్టు నోటీసులు జారీ చేసింది. ఖలేజా టైటిల్ ను తాను రిజిస్టర్ చేయించుకున్నానని అంటూ సినిమా విడుదలను ఆపించాలని నిర్మాత విజయబాస్కర రెడ్డి కోర్టును కోరారు.