సురేఖ మాకు మగతనం లేదని కూడా అనవచ్చు: హనుమంతరావు

హైదరాబాద్‌: తమను తమ పార్టీ శాసనసభ్యురాలు కొండా సురేఖ బఫూన్లు అనడంపై కాంగ్రెసు సీనియర్ నాయకుడు వి హనుమంతరావు తీవ్రంగా ప్రతిస్పందించారు. ఆమె ఏమైనా అనవచ్చునని, తమకు మగతనం లేదని కూడా అనవచ్చునని కూడా అనవచ్చునని ఆయన శనివారం మీడియా ప్రతినిధుల సమావేశంలో అన్నారు. కొండా సురేఖ మహిళ అని, ఆమె ఏమైనా అనవచ్చునని, ఆమెకు ఆ వెసులుబాటు ఉందని ఆయన అన్నారు. తెలంగాణ సెంటిమెంటు ఉందో లేదో సభలకు వచ్చే జనాలను చూస్తే అర్థమవుతుందని ఆయన అన్నారు.

వెనక ఎవరు ఉండి కొండా సురేఖతో మాట్లాడిస్తున్నారో తనకు తెలుసునని ఆయన అన్నారు. దివంగత నేత వైయస్ రాజశేఖర రెడ్డి కుమారుడిగా కడప పార్లమెంటు సభ్యుడు వైయస్ జగన్ పై తనకు అభిమానం ఉందని ఆయన చెప్పారు. ముఖ్యమంత్రి పీఠంపై అధిష్టానం ఎవరిని కూర్చోబెడితే వారికి తమ మద్దతు ఉంటుందని ఆయన చెప్పారు.