ఎస్ ఐ రంగనాథ్ గౌడ్ కు పొన్నూరు కోర్టు అరెస్టు వారంట్

గుంటూరు: రజియా సుల్తానా కేసులో సబ్ ఇన్ స్పెక్టర్ (ఎస్ఐ) రంగనాథ్ గౌడ్ కు గుంటూరు జిల్లా పొన్నూరు కోర్టు సోమవారం అరెస్టు వారంట్ జారీ చేసింది. ప్రస్తుతం రంగనాథ్ గౌడ్ నెల్లూరు జిల్లాలో పనిచేస్తున్నారు. తనను పెళ్లి చేసుకుంటానని మోసం చేశాడని రంగనాథ్ గౌడ్ పై రజియా సుల్తానా కేసు దాఖలు చేసింది. అప్పట్లో గుంటూరు జిల్లాలో ఈ సంఘటన తీవ్ర సంచలనం సృష్టించింది.

తనను పెళ్లి చేసుకుంటానని ఎస్ఐ రంగనాథ్ గౌడ్ తనను మోసం చేశాడని రజియా సుల్తానా రెండేళ్ల క్రితం ఆందోళనకు దిగింది. ఆమెకు మహిళా సంఘాలు మద్దతు పలికాయి. ఆందోళన తీవ్రం కావడంతో రంగనాథ్ గౌడ్ ను సస్పెండ్ చేశారు. అయితే, ఆ తర్వాత ఆయనకు నెల్లూరు జిల్లాలో పోస్టింగ్ ఇచ్చారు.