చంద్రబాబు బెడ్రూంలో ధర్నా చేసుకుంటే అభ్యంతరం లేదు: శైలజానాథ్

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడితో ఉండి తెలుగు దేశం నాయకుల మెదళ్లు పాడయ్యాయని, ఇప్పుడు అవి ఎందుకు పనికి రాకుండా పోయాయని ప్రభుత్వ చీప్ విప్ శైలజానాథ్ సోమవారం మీడియా ప్రతినిధుల సమావేశంలో విమర్శించారు. వారు ఏం మాట్లాడుతున్నారో వారికే అర్థం కావటం లేదన్నారు. వారు 10 ఏళ్లు కిందటి పద్ధతులతో పోరాడుతున్నారని, అందుకే ప్రజలు వారిని మెల్లిమెల్లిగా దూరం చేస్తున్నారన్నారు.

సోనియా ఇంటి ముందు ధర్నా చేస్తామన్న నాయకులు ముందుగా తమ పార్టీ నాయకుడు చంద్రబాబు ఇంటిముందు ధర్నా చేయాలని సూచించారు. చంద్రబాబు ఇంటిముందు చేసినా ఆయన బెడ్ రూంలో చేసినా తమకు అభ్యంతరం లేదని చెప్పారు. సోనియా ఇంటిముందు ధర్నా అంటే సాహసమే అవుతుందని తెలుసుకోవాలని వారికి సూచించారు.