ప్రియదర్శిని రేప్, హత్య కేసు: సంతోష్ సింగ్ కు జీవిత ఖైదుతో సరి

న్యూఢిల్లీ: ప్రియదర్శిని మట్టూపై అత్యాచారం, హత్య కేసులో సుప్రీంకోర్టు సంతోష్ సింగ్ కు సుప్రీంకోర్టు జీవితఖైదు విధించింది. దిగువ కోర్టు విధించిన మరణశిక్షను జీవిత ఖైదుగా మార్చింది. ప్రియదర్శిని మట్టూపై అత్యాచారం జరిపి, ఆమెను హత్య చేసిన కేసులో 23 ఏళ్ల న్యాయ శాస్త్రి విద్యార్థి సంతోష్ సింగ్ ను కోర్టు దోషిగా నిర్ధారించి, శిక్ష వేసింది. సుప్రీంకోర్టు తీర్పు పట్ల ప్రియదర్శిని తండ్రి సిఎల్ మట్టూ విచారం వ్యక్తం చేశారు.

ప్రియదర్శినిపై సంతోష్ సింగ్ 1996 జనవరిలో ఢిల్లీలోని ఆమె నివాసంలో అత్యాచారం జరిపి, ఆమెను హత్య చేశాడు. ఈ కేసులో సంతోష్ సింగ్ కు దిగువ కోర్టు మరణశిక్ష వేసింది. దిగువ కోర్టు తీర్పును సంతోష్ సింగ్ సుప్రీంకోర్టులో సవాల్ చేశాడు. కొన్ని విషయాలు సింగ్ కు అనుకూలంగా ఉన్నాయని, అందువల్ల మరణశిక్షను జీవితఖైదుగా మారుస్తున్నట్లు సుప్రీంకోర్టు తన తీర్పులో తెలిపింది.