యువ తెలంగాణ నేత జిట్టా బాలకృష్ణా రెడ్డికి 14 రోజుల రిమాండ్

నల్గొండ: నిమ్స్ పనులు ప్రారంభం కోసం బుధవారం భువనగిరిలో ధర్నా చేపట్టిన యువ తెలంగాణ నాయకుడు జిట్టా బాలకృష్ణారెడ్డికి భువనగిరి కోర్టు బెయిలు నిరాకరించింది. ఆయనకు ట్రాఫిక్ ఉల్లంఘన కింద 14 రోజులు రిమాండ్ విధించింది. దీంతో ఆయన నిమ్స్ పనులు ప్రారంభించే వరకు జైళ్లోనే నిరాహార దీక్ష చేస్తానని జిట్టా తెలిపారు. తనను ఖైదూ చేయటం ద్వారా దీక్షను ఆపలేరన్నారు.

బుధవారం జిట్టా బాలకృష్ణారెడ్డి యువ తెలంగాణ ఆధ్వర్యంలో భువనగిరి సెంటర్లో నిరాహార దీక్షకు దిగిన విషయం తెలిసిందే. దీంతో రోడ్డుమీద ట్రాఫిక్ పూర్తిగా నిలిపోయింది. పోలీసులు జిట్టాను అరెస్టు చేసి పోలీసు స్టేషన్ కు తరలించారు. ఆయనపై కేసు నమోదు చేశారు. గురువారం కోర్టులో ప్రవేశపెట్టడంతో కోర్టు ఆయనకు బెయిలు నిరాకరించింది.