ఎపిపిఎస్సీ చైర్మన్ వెంకట్రామిరెడ్డిని తొలగించాలి: చంద్రశేఖర్

హైదరాబాద్: ఎపిపిఎస్సీ చైర్మన్ వెంకట్రామిరెడ్డిని ఆ పదవి నుండి వెంటనే తొలగించాలని ఎపిపిఎస్సీ మాజీ సభ్యుడు చంద్రశేఖర్ ప్రభుత్వాన్ని డిమాండ్ చేశారు. వెంకట్రామిరెడ్డిపై తెలంగాణ ప్రజలకు, బలహీన వర్గాలకు నమ్మకం పోయిందని ఆయన విలేకరుల సమావేశంలో ఆరోపించారు. కులం, ప్రాంతాన్ని బట్టి ఆయన మార్కులు వేస్తున్నారని ఆరోపించారు.

ఆయన అక్రమాలను త్వరలో బయట పెడతామన్నారు. ప్రభుత్వం ఆయన సంపాదించిన ఆస్తులన్నింటినీ వెంటనే జప్తు చేయాలని కోరారు. ఆయన భారీ అక్రమ ఆస్తులు సంపాదించాడని వస్తున్న ఆరోపణలపై ఎసిబి విచారణ చేపట్టాలన్నారు.