కెసిఆర్ తోనా మ్యాచ్ ఫిక్సింగ్ చేసుకునేది: లగడపాటి రాజగోపాల్

హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుతో తాను మ్యాచ్ ఫిక్సింగ్ చేసుకున్నట్లు వచ్చిన వార్తలపై కాంగ్రెసు విజయవాడ పార్లమెంటు సభ్యుడు లగడపాటి రాజగోపాల్ తప్పు పట్టారు. ఆ ప్రచారంలో ఆర్థం లేదని ఆయన బుధవారం ఓ టీవీ న్యూస్ చానెల్ కార్యక్రమంలో అన్నారు. తాను మ్యాచ్ ఫిక్సింగ్ చేసుకున్నట్లు వార్తను ప్రసారం చేసిన చానెలే తాను హైదరాబాదులోని ఆస్తులను ఢిల్లీకి తరలిస్తున్నట్లు చెప్పిందని ఆయన గుర్తు చేస్తూ మ్యాచ్ ఫిక్సింగ్ చేసుకుంటే ఆ అవసరం ఎందుకు వస్తుందని ఆయన అడిగారు. ఆ రెండు వార్తలు పరస్పర విరుద్ధంగా లేవా అని ఆయన అడిగారు.

కాగా, బతుకమ్మ పండుగ పట్ల లగడపాటి రాజగోపాల్ తెగ మక్కువ ప్రదర్శించారు. బతుకమ్మ పండుగను తెలంగాణలోనే కాకుండా రాష్ట్రవ్యాప్తంగా నిర్వహించాలని ఆయన అన్నారు. బతుకమ్మ పండుగ నిర్వహణకు జిల్లాకు లక్ష రూపాయలేసి కాకుండా కోటి రూపాయలేసి కేటాయించాలని ఆయన ముఖ్యమంత్రి కె. రోశయ్యను కోరారు.