తెరాసపై తిరగబడిన శ్రీకాంతాచారి తల్లి: కాసం సత్యనారాయణపై ఆరోపణలు

నల్గొండ: తన కొడుకును తెలంగాణ రాష్ట్ర సమితి నాయకులే ఉద్యమం పేరుతో రెచ్చగొట్టి ఆత్మహత్య చేసుకునేలా చేశారని తెలంగాణ కోసం ఆత్మ బలిదానం చేసుకున్న శ్రీకాంతచారి తల్లి శంకరమ్మ ఆరోపించారు. తెలంగాణ రాష్ట్ర సమితి ఎల్బీనగర్ నియోజకవర్గ ఇన్ ఛార్జ్ కాసం సత్యనారాయణ తన కుమారుడిని ఉద్యమం పేరుతో తనతో తిప్పుకున్నాడని ఆమె ఆరోపించారు.

అంతకుముందు చదువుపైనే దృష్టి పెట్టిన తన కుమారుడు శ్రీకాంతాచారి కాసం సత్యనారాయణ కారణంగా ఉద్యమం బాట పట్టాడన్నారు. తన కుమారుడిని రెచ్చగొట్టి చివరకు తన చావుకు కారణమయ్యాడని అమె పోలీసులతో మొరపెట్టుకుంది. చావుకు కారకులు తెరాస నాయకులే అని ఆమె వాపోయారు. చనిపోయాక కూడా కాసం సత్యనారాయణ తన కొడుకు పేరుతో ట్రస్టు ఏర్పాటు చేసి డబ్బులు దండుకుంటున్నాడని, తన కొడుకు పేరుతో అలా డబ్బులు వసూలు చేయవద్దని చెప్పినప్పటికీ అతను వినిపించుకోవటం లేదని ఆరోపించారు.