కెసిఆర్ చెల్లెమ్మ విజయశాంతి లోకలా, నాన్ లోకలా?

హైదరాబాద్: తెలంగాణ రాష్ట్ర సమితి (తెరాస) పార్లమెంటు సభ్యురాలు విజయశాంతి తెలంగాణకు లోకలా, నాన్ లోకలా అనే చర్చ చాలా కాలంగా ఉంది. అయితే, తాజాగా కాంగ్రెసు నాయకుడు గోనె ప్రకాశ రావు శుక్రవారం అదే ప్రశ్న వేశారు. విజయశాంతి లోకలా, నాన్ లోకలా అని ఆయన తెరాస అధ్యక్షుడు కెసిఆర్ ను ప్రశ్నించారు. కెసిఆర్ పై ఆయన మీడియా ప్రతినిధుల సమావేశంలో తీవ్ర వ్యాఖ్యలు చేశారు. తెలంగాణ ప్రజా ఫ్రంట్ నేత గద్దర్ ఎన్నికల్లో పోటీ చేయాలని ఆయన అభిప్రాయపడ్డారు.

గద్దర్ ను చూస్తే కెసిఆర్ కు చలి జ్వరం వస్తోందని, అందుకే గద్దర్ ప్రజా ఫ్రంట్ పై మాట్లడడానికి కెసిఆర్ నిరాకరించారని ఆయన అన్నారు. గద్దర్ కు, గతంలో నవ తెలంగాణ పార్టీని పెట్టిన తెలుగుదేశం పార్టీ నాయకుడు దేవేందర్ గౌడ్ కు మధ్య పోలిక లేదని, ఇద్దరికి మధ్య నక్కకు నాగలోకానికి మధ్య ఉన్నంత తేడా ఉందని ఆయన అన్నారు.