గద్దర్ కు వైయస్ జగన్ మద్దతు ఉంటుంది: కొండా సురేఖ

హైదరాబాద్: తమ కాంగ్రెసు పార్లమెంటు సభ్యుడు వైయస్ జగన్ తెలంగాణ ప్రజా ఫ్రంట్ నేత గద్దర్ ను బలపరుస్తారని శాసనసభ్యురాలు కొండా సురేఖ అన్నారు. తాము తెలంగాణ కోసం పోరాటం చేస్తామని, కెసిఆర్ ను కాకుండా తాము గద్దర్ ను బలపరుస్తామని ఆమె శుక్రవారం చెప్పారు. తెలంగాణ రాష్ట్రం ఏర్పడాలని తాము కోరుకుంటున్నట్లు ఆమె తెలిపారు. వైయస్ జగన్ కు ముఖ్యమంత్రి పదవి ఇవ్వాలనే తమ డిమాండ్ పై ఆమె మరోసారి మాట్లాడారు. జగన్ ను ముఖ్యమంత్రి చేయాలని తాము డిమాండ్ చేసి తప్పు చేశామని ఆమె అన్నారు.

వైయస్ రాజశేఖర రెడ్డి మరణించిన వెంటనే జగన్ ను ముఖ్యమంత్రిని చేయాలని తాము కోరకుండా ఉండాల్సిందని, అలా కోరి తప్పు చేశామని ఆమె అన్నారు. జగన్ ను సంప్రదించకుండా ఇద్దరు మంత్రులు దానం నాగేందర్, బొత్స సత్యనారాయణ సంతకాల సేకరణ చేపట్టారని, జగన్ కు చెడు పేరు రావడానికి ఆ ఇద్దరు మంత్రులే కారణమని ఆయన అన్నారు.