మద్యపానంపై చంద్రబాబు వ్యాఖ్యలు హాస్యాస్పదం: ఏరాసు ప్రతాపరెడ్డి

హైదరాబాద్: తెలుగు దేశం పార్టీ అధ్యక్షుడు, మాజీ ముఖ్యమంత్రి నారా చంద్రబాబునాయుడు మద్యపాన నిషేదం గురించి మాట్లాడటం హాస్యాస్పదమని కాంగ్రెస్ ఎమ్మెల్యే ఏరాసు ప్రతాపరెడ్డి విమర్శించారు. చంద్రబాబు ముఖ్యమంత్రిగా ఉన్నప్పుడు మద్యాన్ని ఏరులై పారించాడని, ఇప్పుడు చిలుక పలుకులు పలుకుతున్నాడని ఎద్దేవా చేశారు. మద్యం ద్వారా చంద్రబాబు కోట్ల రూపాయలు సంపాదించుకున్నారని విమర్శించారు.ప్రజల్లో కొనుగోలు శక్తి పెరిగిందని అందుకే ప్రజలు మద్యం కొంటున్నారని ఆయన అన్నారు.

త్వరలో మంత్రివర్గ విస్తరణ ఉంటుందని ఆయన అభిప్రాయపడ్డారు. అనివార్య కారాణాలవల్ల మంత్రివర్గ విస్తరణ ఆలస్యం అయ్యిందని, ఇప్పటికైనా అది జరగాలన్నారు. ముఖ్యమంత్రి రోశయ్య అనుభవజ్ఞడని, ఆయన అర్హులకే మంత్రి పదవులు ఇస్తారని వ్యాఖ్యానించారు.