• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాష్ట్ర రాజకీయాలు: టిడిపి అధినేత చంద్రబాబు వర్సెస్ వైయస్ జగన్

By Pratap
|
Chandrababu - YS Jagan
హైదరాబాద్: రాష్ట్ర రాజకీయాలు విచిత్రమైన మలుపు తీసుకున్నాయి. తెలుగుదేశం పార్టీ అధ్యక్షుడు నారా చంద్రబాబునాయుడికి, కాంగ్రెసు కడప పార్లమెంటు సభ్యుడు వైయస్ జగన్ కు మధ్య సమరంగా రాజకీయాలు మారాయి. వైయస్ జగన్ ఆస్తులను, దివంగత నేత వైయస్ రాజశేఖర రెడ్డి హయాంలోని ప్రభుత్వ చర్యలను విమర్శిస్తూ తెలుగుదేశం పార్టీ నాయకులు దండెత్తుతున్నారు. వైయస్ జగన్ ఆస్తులను వారు ప్రధానంగా టార్గెట్ చేసుకున్నారు. వైయస్ జగన్ ఆస్తులపై సిబిఐ విచారణ జరిపించాలని వారు డిమాండ్ చేస్తున్నారు. తెలుగుదేశం నాయకులు గాలి ముద్దుకృష్ణ నాయుడు, వర్ల రామయ్య, కె. ఎర్రంనాయుడు, యనమల రామకృష్ణుడు తదితరులు ప్రతి రోజూ వైయస్ జగన్ పై విమర్శలు చేస్తున్నారు. జగన్ పై విమర్శలు చేయడాన్ని వారు ఓ కార్యక్రమంగా తీసుకున్నారు. తెలుగుదేశం పార్టీ అధ్యక్షుడు నారా చంద్రబాబు నాయుడు కూడా సందర్భం వచ్చిన ప్రతి సారీ వైయస్ జగన్ ఆస్తులపై విమర్శలు గుప్పిస్తున్నారు. ఆరేళ్లలో వైయస్ జగన్ కోట్లాది రూపాయలు కూడబెట్టారని, అక్రమంగా సంపాదించారని ఆయన ఆరోపిస్తున్నారు.

కాగా, వైయస్ జగన్ తెలుగుదేశం నాయకులపై పెద్దగా ప్రతిస్పందించడం లేదు. రెండు,మూడు సార్లు పరోక్షంగా స్పందించారు. మరణించిన తన తండ్రిపై విమర్శలు చేసే వారు మట్టి కొట్టుకుపోతారంటూ శాపనార్థాలు పెట్టారు. రాజకీయాలు నీచ స్థాయికి దిగజారాయని ఆయన అన్నారు. ప్రతిపక్షానికి ముఖ్యమంత్రి ఎవరో కూడా తెలియడం లేదని, తననే ముఖ్యమంత్రి అనుకుని తనపై విమర్శలు చేస్తోందని ఆయన ఓసారి అన్నారు. జగన్ వర్గానికి చెందిన అంబటి రాంబాబు, గోనె ప్రకాశ రావు వంటి నాయకులు మాత్రమే తెలుగుదేశం నాయకుల విమర్శలను తిప్పి కొట్టే ప్రయత్నం చేస్తున్నారు. రెండెకరాల ఆసామి చంద్రబాబు కోట్లాది రూపాయల సంపాదనాపరుడు ఎలా అయ్యారని వారు ప్రశ్నిస్తున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X