ఎన్టీఆర్ భవన్లోకి ప్రజారాజ్యం పార్టీ అధినేత చిరంజీవి....

హైదరాబాద్: కాంగ్రెస్ కన్నా తెలుగు దేశాన్నే ఎక్కువగా విమర్శించే మెగాస్టార్ చిరంజీవి తెలుగు దేశం పార్టీ కార్యాలయం ఎన్టీఆర్ భవనానికి పరోక్షంగా ఎంటరయ్యారు. అంటే తమ పార్టీ ప్రతినిధిని ఎన్టీఆర్ భవనానికి పంపారు. శనివారం సూక్ష్మరుణసంస్థల వేధింపుపై చర్చించేందుకు అఖిల పక్షం ఎన్టీఆర్ భవన్లో సమావేశమయింది. ఈ కార్యక్రమాని చిరంజీవి రాకపోయినప్పటికీ ప్రజారాజ్యం పార్టీ తరఫున కాకినాడ రూరల్ ఎమ్మెల్యే కన్నబాబును పంపారు. ఈ కార్యక్రమంలో లోక్ సత్తా అధినేత జయప్రకాశ్ నారాయణ, సీపీఐ నేత నారాయణ, సీపీఎం నేత రాఘవులు, ఫార్వర్డు బ్లాక్ నేత మురళీధర దేశ్ పాండే, ఆర్ ఎస్ పీ నేత జానకిరామయ్యలు పాల్గొన్నారు.

గత శాసన సభ ఎన్నికల్లో చిరంజీవి, జయప్రకాశ్ నారాయణలు పార్టీ పెట్టడం వల్లనే చంద్రబాబు పలుమార్లు చెప్పారు. తెలుగు దేశం నాయకులు పలు సందర్భాల్లో కాంగ్రెస్ ను ఇలాగే విమర్శిస్తారు. చిరంజీవి, జయప్రకాశ్ నారాయణ కూడా లోలోన కాంగ్రెస్ దగ్గరి వారే అన్న ఆరోపణలు వినిపించాయి. అందుకు అవున్నట్టుగా చిరంజీవి ఇటీవల కాలంలో రోశయ్య ఆధ్వర్యంలోని కాంగ్రెస్ ప్రభుత్వం పడిపోయే పరిస్థితులు వస్తే ఆదుకుంటామని చెప్పడం, వైఎస్ జగన్ ను ధీటుగా ఎదుర్కోవడానికా అన్నట్టు ఆ మధ్య ఏఐసిసి ఆధ్యక్షురాలు సోనియాగాంధీని కలిసి రావటం, ప్రజారాజ్యం త్వరలో కాంగ్రెస్ లో విలీనం అవుతుందనే వాదనలు వినిపిస్తున్న నేపథ్యంలో చిరంజీవి కాంగ్రెస్ ప్రభుత్వంపై విరుచుకు పడడానికి తెలుగు దేశం పార్టీతో కలిసి రావడమన్నది ఎవరూ ఊహించలేని విషయం. అయితే ఇది వ్యూహాత్మకం కాదని అనలేము. ఏమైతేనేం చిరంజీవి ప్రజారాజ్యం పార్టీ మొత్తానికి ఎన్టీఆర్ భవన్లో అడుగు పెట్టింది.