వైయస్ జగన్ తో ఆరుగురు కాంగ్రెసు ఎమ్మెల్యేల భేటీ

నెల్లూరు: నెల్లూరు జిల్లాలో ఓదార్పు యాత్ర చేస్తున్న కాంగ్రెసు పార్లమెంటు సభ్యుడు వైయస్ జగన్ తో సోమవారం ఆరుగురు శాసనసభ్యులు సమావేశమయ్యారు. నెల్లూరు జిల్లాలోని ఉదయగిరిలో వారి సమావేశం జరిగింది. శాసనసభ్యులు శ్రీకాంత్‌రెడ్డి, అమర్‌నాథ్‌రెడ్డి, శ్రీనివాసులు, ఆదినారాయణరెడ్డి, మాజీ ఎమ్మెల్మే వరదరాజులు, డీసీసీ అధ్యక్షుడు సురేష్‌బాబు తదితరులు కలుసుకున్నారు. వీరంతా మొదటి నుంచి వైయస్ జగన్ కు మద్దతు పలుకుతున్నవారే కావడం విశేషం. భవిష్యత్తు కార్యాచరణపై వారితో జగన్ మాట్లాడినట్లు తెలుస్తోంది.

కాగా, నెల్లూరు జిల్లాలో వైయస్ జగన్ ఓదార్పు యాత్ర సోమవారం ఆరో రోజుకు చేరుకుంది. సోమవారం ఉదయగిరి నుంచి ఆయన తన ఓదార్పు యాత్రను ప్రారంభించారు. ఆనం సోదరులు వ్యతిరేకిస్తున్న వారి వ్యతిరేక వర్గం ప్రోత్సాహంతో వైయస్ జగన్ ఓదార్పు యాత్ర సాగుతోంది.