వైయస్ జగన్ ను మేం మోసం చేయడం లేదు: ఆనం వివేకానందరెడ్డి

నెల్లూరు: కడప పార్లమెంటు సభ్యుడు వైయస్ జగన్మోహన్ రెడ్డి చేపడుతున్న ఓదార్పు యాత్రకు అధిష్టానం అనుమతి లేదని కాంగ్రెసు ఎమ్మెల్యే ఆనం వివేకానందరెడ్డి ఓ టీవికి ఇచ్చిన ఇంటర్వ్యూలో చెప్పారు. ఓదార్పుకు అధిష్టానం అనుమతి లేనందునే తాము పాలుపంచుకోవటం లేదని చెప్పారు. అధిష్టానం అనుమతి ఉంటే పాల్గొనేవాళ్లమని ఆయన వివరించారు. అధిష్టానం అనుమతిస్తే జగన్ను ఆలింగనం చేసుకుంటామని చెప్పారు.

అధిష్టానాన్ని ధిక్కరించే పని చేయమని, అధిష్టానం మాటే మామాట అని ఆయన అన్నారు. అయితే దివంగత ముఖ్యమంత్రి వైయస్ రాజశేఖర్ రెడ్డి చేపట్టిన సంక్షేమ పథకాలు కాంగ్రెసు కు కవచ కుండలాల వంటివని చెప్పారు. వైయస్ మీద మాకు ఇప్పటికీ ఆభిమానం ఉందని చెప్పారు. అయితే వైయస్ పై మాకున్న అభిమానాన్ని నిరూపించుకోవడానికి మెడల్స్ ఇవ్వవలసిన అవసరం లేదని చెప్పారు.