జూనియర్ కళాశాలలో విద్యార్థినిని వేధించిన లెక్చరర్

విశాఖపట్నం: విశాఖపట్నంలో విద్యార్థినిని వేదించిన కీచక ఉపాధ్యాయుడి ఉదంతం బయట పడింది. నర్సీపట్నంలోని కృష్ణ జూనియర్ కళాశాలలో ఇంటర్మీడియేట్ చదువుతున్న ఉమాదేవి అనే విద్యార్థినిని లెక్చరర్ గోపాలకృష్ణ తనను నిత్యం వేధిస్తున్నాడంటూ ఉత్తరం రాసి అత్మహత్యకు ప్రయత్నించింది. అయితే వెంటనే గమనించిన తల్లిదండ్రులు అమెను అసుపత్రికి తరలించారు.

ఉమాదేవి చదువులో వెనుకబడి ఉంటుంది. తోటి విద్యార్థుల ముందు ఆమెను లెక్చరర్ గోపాలకృష్ణ నిరంతరం వేధిస్తున్నాడని తల్లిదండ్రులు ఆరోపిస్తున్నారు. నువ్వు బ్రతకడం వేస్టు అని, ఎందుకు పనికి రావని, నీ జీవితం దండుగ అని పలుమార్లు లెక్చరర్ అందరి ముందు కామెంట్ చేయటంతో ఆ వేధింపులు తట్టుకోలేక ఆత్మహత్యకు పూనుకుందని తల్లిదండ్రులు చెబుతున్నారు. ఉమాదేవి మాకు లెక్చరర్ విషయం చెప్పిందని, లెక్చరర్ తో కూడా మాట్లాడుతామని చెప్పామని అయితే ఇంతలోనే తన కూతురు ఇలా చేస్తుందని ఊహించలేదని తల్లిదండ్రులు అంటున్నారు.