చంద్రబాబు ఏ ముఖం పెట్టుకుని ప్రజల్లోకి వెళ్తారు: పెద్దిరెడ్డి రామచంద్రారెడ్డి

హైదరాబాద్: ప్రధాని డాక్ట్ర మన్మోహన్ సింగ్, కాంగ్రెసు అధ్యక్షురాలు సోనియా గాంధీ, నాయకుడు రాహుల్ గాంధీ, ముఖ్యమంత్రి కె. రోశయ్యలపై విమర్శలు చేసిన తెలుగుదేశం పార్టీ అధ్యక్షుడు నారా చంద్రబాబునాయుడిని రాష్ట్ర మంత్రులు మంగళవారం మీడియా ప్రతినిధుల సమావేశంలో మూకుమ్మడిగా తిప్పికొట్టారు. చంద్రబాబుపై వారు తీవ్ర వ్యాఖ్యలు చేశారు. సీమాంధ్ర పోతే సమైక్యవాదమని, తెలంగాణకు వస్తే తెలంగాణవాదమని చంద్రబాబు అంటారని, ఇది చంద్రబాబు ద్వంద్వ నీతికి అద్దం పడుతుందని మంత్రి పెద్ది రెడ్డి రామచంద్రారెడ్డి అన్నారు. ఏ ముఖం పెట్టుకుని చంద్రబాబు ప్రజల్లోకి వెళ్తారని ఆయన విమర్శించారు.

రాష్ట్ర విభజనపై తమకు స్పష్టమైన వైఖరి ఉందని, అది చెప్పడానికి ఇది సందర్భం కాదని మరో మంత్రి జె. గీతారెడ్డి అన్నారు. చంద్రబాబుపై ఆమె తీవ్ర వ్యాఖ్యలు చేసింది. తెలుగుదేశం పార్టీ నాయకుడు గాలి ముద్దు కృష్ణమనాయుడికి పిచ్చెక్కిందని, ఆస్పత్రికి వెళ్లే ఆరోగ్యశ్రీ కింద ఉచితంగా వైద్యం చేయిస్తామని ఆమె అన్నారు. గాలి ముద్దుకృష్ణ నాయుడు గాలి తీసేస్తామని మరో మంత్రి దానం నాగేందర్ అన్నారు.