వైయస్ జగన్ పై ముఖ్యమంత్రి రోశయ్య పరోక్ష విమర్శలు

హైదరాబాద్: పదవులు ఆశించడం మంచిపద్దతి కాదంటూ కడప పార్లమెంటు సభ్యుడు వైయస్ జగన్మోహన్ రెడ్డిపై ముఖ్యమంత్రి కొణిజేటి రోశయ్య పరోక్ష విమర్శలు చేశారు. మంగళవారం ఉదయం చార్మినార్ వద్ద సద్బావనా యాత్రలో ముఖ్యమంత్రి పాల్గొన్నారు.

ఈ సందర్భంగా ఆయన మాట్లాడారు. మాజీ ప్రధాని రాజీవ్ గాంధీ ఎప్పుడూ పదవుల కోసం ఆశ పడలేదన్నారు. అయితే రోశయ్య ఈ మాటలను జగన్ను ఉద్దేశించి అన్నట్లుగానే అందరూ భావిస్తున్నారు. మంత్రిని కావాలని, ప్రధానమంత్రిని కావాలని ఆయన ఎప్పుడూ అనుకోలేదని, కాని ఆయన అత్యున్నత పదవులను అలంకరించారని గుర్తు చేశారు.