అనంతపురం బాలికల హాస్టల్ దగ్గర చిరుత సంచారం

అనంతపురం:అనంతపురం జిల్లా కళ్యాణదుర్గంలో చిరుత సంచారం స్థానికంగా కలకలం సృష్టిస్తోంది. స్థానికంగా ఉన్న బాలికల వసతి గృహం సమీపంలో చిరుత ఓ ఓ ఇంట్లోని గొర్రెపిల్లపై దాడి చేసి చంపింది. దీంతో హాస్టల్ విద్యార్థులు, గ్రామస్తులు భయాందోళనలకు గురి అవుతున్నారు. అటవీ శాఖ అధికారులు చిరుతను పట్టుకోవాలని గ్రామస్తులు డిమాండ్ చేస్తున్నారు.

ఇంతకుముందు కూడా ఇలాంటి సంఘటనలు జరిగినప్పటికీ అధికారులు ఇప్పటి ఎలాంటి చర్యలు తీసుకోలేదని వారు అంటున్నారు. బాలికల హాస్టల్ కూడా ఊరికి బయట ఉండటంతో హాస్టల్లో పనిచేసే పనివారు, విద్యార్థులు భయాందోళనకు గురవుతున్నారు. ఊరికి దగ్గరలోనే అడవి ఉండటంతో తరుచూ ఇలాంటి సంఘటలను చోటు చేసుకుంటున్నాయని అధికారులు అంటున్నారు. చిరుతను పట్టుకోవడాని అడవిలోకి పంపించడానికి అధికారులు ప్రయత్నాలు చేస్తున్నారు.