ఎమ్మార్ అక్రమాలపై లోతైన విచారణ జరిపించాలి: కెకె

హైదరాబాద్: ఎమ్మార్ ప్రాపర్టీస్ పైన ప్రభుత్వం పూర్తిస్థాయి లోతైన విచారణ జరిపించాలని కాంగ్రెస్ సీనియర్ నాయకుడు కె.కేశవరావు డిమాండ్ చేశారు. ప్రభుత్వం ఎమ్మార్ అక్రమాలను చూసీ చూడనట్లు వ్యవహరిస్తోందన్నారు. చంద్రబాబునాయుడు ప్రధాని మన్మోహన్ పైన విమర్శలు చేయటం ఆయన దిగజారుడు తనానికి నిదర్శనమని విమర్శించారు.

తెలంగాణ తెలుగు దేశం పార్టీ ప్రత్యేక తెలంగాణ కోసం ఢిల్లీ యాత్ర చేపట్టడం ఆహ్వానించదగ్గదే అయినప్పటికీ,ఢిల్లీ యాత్ర వెనుక ఉద్దేశ్యమేమిటో పూర్తిగా చెప్పవలసిన అవసరం ఉందన్నారు.ఎఐసిసి అధ్యక్షురాలు సోనియా గాంధీ నేతృత్వంలో మేం తెలంగాణ సాధించుకుంటామని కేశవరావు చెప్పారు. నేనే చచ్చేంత వరకు తెలంగాణవాదిగానే ఉంటానని చెప్పారు.