వైయస్ జగన్ కు ప్రజల మద్దతు ఉంది,కానీ అవినీతే...: రాయపాటి

హైదరాబాద్: కడప పార్లమెంటు సభ్యుడు వైయస్ జగన్‌ కి మంచిరాజకీయభవిష్యత్ ఉందని, ఆయనకు ప్రజా బలం ఉందని, అయితే నేను మాట్లాడేది ఆయన అవినీతిపైనే అని గుంటూరు పార్లమెంటు సభ్యుడు రాయపాటి సాంబశివరావు అన్నారు. బుధవారం ఆయన ముఖ్యమంత్రిని కలిసిన అనంతరు మీడియా ప్రతినిధులతో మాట్లాడారు. తనపై మంత్రి కన్నా లక్ష్మీనారాయణ వేసిన పరువునష్టం దావా నోటీసులు తనకు అందలేదని ఆ నోటీసులు అందిన తర్వాతే స్పందిస్తానన్నారు. నేను ఒక మంత్రి అవినీతి గురించే మాట్లాడానని, అయితే అందరి గురించి మాట్లాడలేదని రాయపాటి చెప్పారు.

జాతీయ స్థాయి అంశాలు తలెత్తినందువల్లే మంత్రివర్గ విస్తరణ వాయిదా పడుతోందని రాయపాటి పేర్కొన్నారు. అయితే ముఖ్యమంత్రి రోశయ్య త్వరలో తన సొంట కూటమిని ఏర్పరుచుకునే అవకాశముందన్నారు. కర్ణాటక సంక్షోభం, బీహార్‌ ఎన్నికల కారణంగా మంత్రివర్గ విస్తరణ ఆగిందని అన్నారు. మంత్రివర్గ విస్తరణో, ప్రక్షాళనో ముఖ్యమంత్రే చెప్పాలని రాయపాటి వ్యాఖ్యానించారు. మంత్రివర్గంలో ఎవరుంటారో, లేదో అనే విషయాన్ని కూడా ముఖ్యమంత్రినే అడగాలని విలేకర్ల ప్రశ్నకు ఆయన సమాధానమిచ్చారు.