అవినీతిని అరికట్టుకుంటే రాజకీయ పార్టీ పెడతా: రామ్ దేవ్

పంచుకుల: దేశంలో కేంద్ర ప్రభుత్వం అవినీతిని అరికట్టకపోతే తాను రాజకీయ పార్టీని పెడతానని యోగా గురు రామ్ దేవ్ చెప్పారు. రాజకీయ నాయకులు అవినీతికి స్వస్తి చెప్పకపోతే తాను రాజకీయ పార్టీ పెట్టడం ఖాయమని ఆయన గురువారం మీడియా ప్రతినిధులతో అన్నారు. తాను పార్టీ పెడితే తన యోగా శిష్యులు తనకు ఓట్లు వేస్తారనే అనుకుంటున్నట్లు ఆయన తెలిపారు.

అవినీతిని అరికట్టడానికి కేంద్ర ప్రభుత్వం సమర్థమైన చట్టం తేవాలని, అవినీతికి పాల్పడే వారికి మరణశిక్ష విధించాలని ఆయన అన్నారు. అవినీతి అనేది రాజకీయ నాయకులు సృష్టించిన రాజకీయ సమస్య అని, వారు చెబుతున్నట్లుగా అది సామాజిక సమస్య కాదని ఆయన అన్నారు. స్విస్ బ్యాంకుల్లో దాచిపెట్టిన డబ్బును వెనక్కి తెప్పించడానికి ప్రభుత్వం చర్యలు తీసుకోవాలని కూడా ఆయన అన్నారు.